¹ நல்ல பெண்ணின் கணவன் பேறு பெற்றோன். ஏனென்றால், அவன் வாழ்நாட்களின் எண்ணிக்கை இரு மடங்காகும்.

² சுறுசுறுப்புள்ள பெண் தன் கணவனை மகிழச் செய்கிறாள்@ தன் வாழ்நாளையும் சமாதானத்தில் கழிக்கிறாள்.

³ தெய்வ பயமுள்ள மனிதன் செய்த நற்செயல்களுக்கு வெகுமதியாக அவனுக்கு ஒரு நல்ல மனைவி நியமிக்கப்படுவாள்.

⁴ செல்வனானாலும் வறியவனானாலும், எப்போதும் அவன் இதயம் நற்குணமுள்ளதாயும், அவன் முகம் மகிழ்ச்சியுள்ளதாயும் இருக்கும்.

⁵ மூன்று காரியங்களைப் பற்றி என் இதயம் அஞ்சியது@ நான்காவதைப் பற்றியோ என் முகம் வெளுத்தது.

⁶ நகரத்தின் பகை, கலகக்காரருடைய கூட்டம்,

⁷ பொய்யான புறணி- இம் மூன்றும் சாவிலும் கொடியவை.

⁸ ஆனால், பொறாமையுள்ள பெண் மன வேதனையும் தொல்லையுமாய் இருப்பாள்.

⁹ பொறாமையுள்ள பெண்ணிடம், அனைவரிடமும் முறையிடும் தாற்றுக் கோல் போன்ற நாவு உண்டு.

¹⁰ கெட்ட குணமுள்ள பெண் எருதுகள் பூட்டின அசையும் நுகத்தடியைப் போல் இருக்கிறாள். அவளை அடக்குகிறவன் தேளைப் பிடிப்பவன் போல் ஆவான்.

¹¹ மதுவினால் மயங்கின பெண் மிகுந்த கோபத்திற்கு ஆளாவாள். அவள் மீது உண்டான வெறுப்பும், அதனால் உண்டான வெட்கமும் மறைக்கப்படா.

¹² கண் பார்வையாலும் கண் இமைகளினாலும் விபசாரி அறியப்படுகிறாள்.

¹³ அடக்கமற்ற உன் புதல்வியை வெகு கவனமாய்ப் பார்த்துக்கொள். ஏனென்றால், வாய்ப்பு கிட்டும் போது அவள் தவறுவாள்.

¹⁴ நாணமற்ற கண்கள் உடையவளைக் கவனி. அப்படிக் கவனிக்காவிடில், அவள் விபசாரி ஆவாள்.

¹⁵ ஏனென்றால், தாகமுள்ள வழிப்போக்கன் நீரூற்றைக் காணும் போதெல்லாம் எப்படி வாய் திறப்பானோ, தன் வாய்க்கு எட்டும் எந்த நீரையும் குடிப்பானோ, அவ்வண்ணமே அவள் எல்லா மரத்தடிகளிலும் உட்கார்ந்து தோல்வியடையுமட்டும் எல்லா அம்புக்கும் தூணியைத் திறப்பாள்.

¹⁶ நாணமுள்ள பெண்ணின் நற்குணம் அவள் கணவனை மகிழ்விக்கும்@ அவன் எலும்புகளுக்கும் வலுக்கொடுக்கும்.

¹⁷ அவளுடைய நன்னெறி கடவுளுடைய வரம்.

¹⁸ அறிவும் நாவடக்கமுமுள்ள பெண்ணின் அறிவுக்கு ஒப்பானது ஒன்றுமில்லை.

¹⁹ புனிதமும் நாணமுமுள்ள பெண் நன்மையிலும் நன்மை.

²⁰ எல்லா (பொன்) நிறையும், அடக்கமுமுள்ள ஆன்மாவுக்குச் சமமன்று.

²¹ நல்ல பெண்ணின் அழகு வானமண்டலங்களில் ஒளிரும் கதிரவனைப் போல், அவள் வீட்டின் அணிகலனாய் இருக்கும்.

²² தக்க பருவத்தில் முகத்தின் அழகு, கடவுள் ஆலயத்தில் ஒளிரும் விளக்கைப் போல் இருக்கின்றது.

²³ பருவப் பெண்ணின் பாதங்கள் மேலுள்ள உறுதியான கால்கள், வெள்ளிப் பாதங்களின் மேல் பொருத்தப்பட்ட பொற்றூண்களைப் போல் இருக்கின்றன.

²⁴ உறுதியான கல்லின் மேல் போடப்பட்ட அடிப்படையைப் போல, புண்ணியமுள்ள பெண்ணின் இதயத்தில் கடவுளுடைய கட்டளைகள் இருக்கின்றன.

²⁵ இரண்டு காரியங்களைப் பற்றி என் இதயம் கலங்கினது@ மூன்றாவதைப் பற்றி எனக்குக் கோபம் மூண்டது.

²⁶ (இரண்டு) வறுமையால் வருந்தும் போர்வீரன், புறக்கணிக்கப்படும் அறிவாளி.

²⁷ (மூன்றாவது) நன்னெறியைத் தள்ளி விட்டுப் பாவ நெறிக்கு உட்படுகிறவனைக் கடவுள் வாளுக்கு இரையாக நியமித்தார்.

²⁸ இருவித காரியங்கள் அரிதானவையும் ஆபத்துள்ளவையுமாக எனக்குத் தோன்றின. எவையென்றால்: வியாபாரி அநியாயத்தை அரிதாய் விலக்குவான்@ மதுபானம் விற்கிறவன் வாய்ப் பாவங்களுக்கு அரிதாய்த் தப்புவான்.